ظلمناك يا عراق

ظلمناك يا عراق
============
أسكتوا..أسكتوا ولكم بسكم عاد..بسكم طائفية.....
هذا يصيح اني سني وهذي تصيح اني شيعيه
من ياوكت صارت الناس تحجي بالمذهبية.....
گول اني عراقي وانتِ..أنتِ گولي انه عراقيه
بيا شرع بيا دين بيا دنيا صار البشر ينكتل عالهوية....
لا والله ما صار ولادار هالظلم وهالهمجية
بالشوارع..بشوارع بغدادنه الحبيبة الجثث مرميه....
من اسأل واگول ليش انكتلوا هالناس يگلك ماندري هذوله مجهولي الهويه
ولكم غابة..خوما بغابة صرنه..لا والله حتى الغابة ما بيها هالوحشية....
ناس تكتل بناس..ليش ما يدرون..بحجة گال السيد وگال الشيخ وهاي هيه
ناس تتفرجلي الجزيرة وناس تتفرجلي العراقية....
وناس تكره ناس عالخالي بلاش بعد ما جانوا عايشين ابيت واحد سويه
اذا انتوا هيجي زلم وسباع وماخذتكم الحميه....
هذاك وينه الامريكي يصول ويجول بأرضنه ومحد يوگف بوجه وگفة قويه
العالم تسأل..يگلك العراق كله زلم وسلاح واليقاتل الامريكي بس (1) بالميه؟...
لعد وين راحت الزلم الخشنة وين راحت الغيره العربيه
شگللهم... اگللهم ناس تذبح ناس بالشوارع؟ أگللهم هم ذوله البقيه !!!.....
شريد اجاوب؟..اگللهم خلف الله على التخلف وخلف الله على الطائفيه؟
صار ياهو اليجي يگول اني للجنة وانت للنار مو صارت هيته هي....
ما فكرت بيوم القيامة شتگول لربك؟..تگله ربي سامحني اني معليه؟
ما ادري اضحك ما ادري ابجي ما ادري اسكت واگول اني سويت العليه...
احجي والحجي شيفيد دام اكو ناس مصرة ترجع لعصر الجاهلية.

دمك يالعراقي ليش مهدور وانتة اعلة المنايه كادر اكدور وليش انتة يالعراق ابكلشي مغدور مسجون بقفص جلاد وعالي بيك السور اشو يابيت التنشد عليه من اهلة مهجور وياطير الي تشوفة بجنح مكسور شتترجة من البلابل مسجونة عد انسور واحنة الصفينة حطب ونحترك بتنور وحتة نهر دجلة ابماية كام ايفور والصار بينة اتعده لهل الكبورورغم الجرة هذا يبقة العراق منصور وشما لفانة الضيم والله ماننسة اسم العراق بكل كلب محفور
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

من قلب عطشان لدجلتك

من روح مزقها الندم

من عين مشتاقة لبسمتك

تحياتي يا عراق الك

من دنيا غربة وعدم

من عيشه حيره وسقم

من خد ملهوف لبوستك

يا عراق بغربتي اصيح بأسمك انا

والي ماتت كلها صاحتك

يا عراق الى متى

نبجي وننوح

وندور حضنتك

يا عراق الى متى

الاجنبي يعيش

وانت زهكان بعيشتك

يا عراق الى متى

شبابنا تموت

والجرايد تخط تكتب بسيرتك

هم الي وطن واكول

انا عراقي و ابن عراقي

وجينا من تراب حضرتك

يا عراق اريد اسألك سؤال

والناس كلها سألتك

ليش عمرك ما ارتاحيت؟

ولا وردت اغصان شجرتك

واريد تكلي انا ياهو منهم

سني لو شيعي
عربي لو كردي

والله حرنا

وكلنا تهنا بحيرتك

يا عراق انت الي كنت شامخ

وهسه يشلعون بأغصان نخلتك

يا عراق عذبونا وقسمونا
وبالفتنه شردونا
وما ضل بلد
ما فررونا

وخلونا نحلم برجعة لمتك

يا عراق كلي شكول

شكول وشسولف عنك
وانت اساس الوفا منك
شكول وشسولف عنك
وانت تمسح بدموع جرحتك

وين البشر وين الناس
وين العرب

كلها من درت بيك طايح عافتك

وين الكرامة وين الشهامة
وين العروبه

كلها بضروف يوم ماتت ودفنتك

يا عراق

الطفل يبجي

وجبيرنا بلايه احساس

وانت تداوي جروح نيران حركتك

يا عراق

حكمونا ناس

بلا عشيره ولا اساس

وينك عنا يا عالي الراس بحكمتك

يا عراق تعبنا

ومن الضيم هلكنا

يا عراق تعبنا

ندور وين اهلنا

تعبنا

من الحزن والدموع والقهر
من الدم والقتل والسهر
من البجي والنوح والنحر

يا عراق

لشوكت تضل ميدان قتل
والحروب كل يوم لاحكتك

الله ياخذ كل من كان السبب

وحرم هل الناس وحرمتك

يا عراق محتاجينك من جديد

ترفع راسلنا و انشد الهمة ونسويها حديد

نريد نغني اغانينا ونعيد

نريد نكول للعالم

لو يبقى بينا اخر نفس

لا والله ما نعوفك لاخر نفس

ealfahad؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

بلد جمع من كل جنس و لون شلون ترابك يا عراق يهون انت الأصل انت الروح و الملقى و غيرك يا عراق صدك ابد ما نلقى انت السلام انت الوفا انت المحبة و الدفا يبتهج القلب بلقياك و ما يقدر على فركاك يا عراق لو العالم كلة انهار لغيرك العين ما تدمع نهار صدك لو يهون العالم و ناسه يبقى الك القلب لآخر انفاسه و لو ضاعت الروح ((فداك)) صدك ما بيوم انساك
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
رمادي ومعروفين باصلنة وكرامتنة واصلنة... احنة الي بغيرتنة لحد الشمس وصلنة... ومعاركنة تشهد لنة بيهن جلنة وصلنة ... وبسيوفنة نغطي الشمس ونخليهه دامس... وخلي تشهدلنة ايام داعس ودامس.. تاريخنة ابيض مو مثل البعض دامس...واذا شفت الارض نخوة ....ترة هاي وصلة من وصلنة
??????????????????????????????????????????????????????????????????????????????????????????????????????????
. عراقي انا ومامزور بالهويه ................ عراقي انا والنخل يشهد عليه ................. عراقي انا وهاي اكبر هديه .................. عراقي انا والناس تعرف بيه ................. عراقي انا و الهم صار اليه ................. عراقي انا وربي يدري بيه ................. عراقي انا والغربه تحرك بيه .................... عراقي انا والاحتلال رح يضربلي تحيه .................... عراقي انا والفخر كله اليه .................. عراقي انا وماريد الطائفيه ................. عراقي انا ودجله والفرات هم اليه .................. عراقي انا
__,_._,___ JJJJJJJJJJJJJJJJJJJJJJJJJJJJJJJJJJJJJJJJJJJJJJJJJJJJJJJJJJJJJJJJJJJJJJJJJJJJJJJJJJJJJJJJJJJJJJJJJJJJJJJJJJJJJJJJJJJJJJJJJJJJJJJJJJJJJJJJJJJJJJ

... ندعي سوه و احنه بهل الشدة ... ربي كل باب حزن مفتوح رده ... و كل تدفق دم يا ربي سده ... و كافي ياموت سيفك كاعد اتحده .... مو صبرنا بصبر ايوب و جده ... و صبرنه سنين تره وصل حده ... مد يا فرح شوي فراشك مده ... شو امكطع اخيوطك وجم عكدة و عكدة ... اخ شكد جثث بعد تحملين يا سده ... و شكد يا فرات شوكك لدجله ... حزني جبير و ما واصل حزن كده ... و اذا في يوم الدمع نكر خده ... و اذا في يوم البحر نكر مده ... و اذا في يوم الشتا نكر برده ... و الصيف صار الثلج عنده ... ما انسى العراق و لا انسى شمته ... يكلولي بس الموت هذا العراق عنده ... اموت بحظنك يا عراق تره ماكو وطن بعده ... لا ولله ماكو وطن بعده.
اموت بحظنك يا عراق تره ماكو وطن بعده
JJJJJJJJJJJJJJJJJJJJJJJJJJJJJJJJJJJJJJJJJJJJJJJJJJJJJJJJJJJJJJJJJJJJJJJJJJJJJJJJJJJJJJJJJJJJJJJJJJJJJJJJJJJJJJJJJJJJJJJJJJJJJJJJJJJJJJJJJJJJ
أه يا بغداد...
يحديثه وخجولة وأم ضحكة المخنــوكَه
إشلون إنغلبنه
إوتركنه الشرف
والجرغد سافل يبوكَه؟
آه يا بغداد..
يم ظفاير سود
وحزامج دجلة الخير
يم حضن دافي
للمكَرود
والمحتاج
والكل البشر عش يا بغداد
من زاخو وجنوب إزبير
أه يا بغداد..
يا مغصوبه
أبسرير الزيف والشيطان
يتلهى بنهودج عار
واليحرس ترس وهدان
ندري بيج حره
وقلعتي الرحم
من جوفج
حسبتي أحساب
حمل الدنس خفتي
تتنجس أجفوفج
يا بغداد...
نسمع توالي الليل
صرخاتج تستغيثين
إبشري يم دجلة
ويساتين الخير
يا ريحة رياحين
خلصّنه الدرب
ما ظل شي
جايينج يا قرة العين
مهضوم واحدنه
ويحس بالعار
ما نطهر لمّن تشوفي الزين
إحنه إكبار يم دجلة
واحدنه
ذو الفقار
والعباس وحسين إبشري.. والفرّج كَرّب ناخذ إبثارج مقابل كل خطأ سبعين