يوم العيد // في رثاء الاسد

[size=16]ويه الفجر يوم العيد

ويه نحر النحور...... صدام قدم للوطن روحه
اجه مثل الاسد مجروح..... يمشي وتضحك جروحه
هم شايف جبل ينكاد..... واذا شفت الجبل مكيود تلكه العله بسفوحه
مثل النخل مات وكوف..... شاخص شامخه صروحه
لك لو هيجي الرجال تموت ..... لو غم الرجال الموت ماصخ مابه ملوحه
بجيت وما بجيت عليك..... بجيت على الزمان الضمك بلوحه
بجى حتى الفرات عليك ..... ونهر دجله انتحر موحه
اذاً تستاهل عليك النوح..... شاعر ما بطل نوحه
لان انته الوحيد الذي خليت..... المشانق للرجال تصير مرجوحه
رغد يا رغد لاتبجين ..... بس دمعه حزن للزين مسموحه
ابوج الكتب اسمه بجبهة التأريخ..... كعبه الوطن عنده وعاليه سطوحه
الزمن يشهد لابو الليثين..... ولو آنه شهادتي بصدام مجروحه
ما دنك براسه وانحنه للجلاد..... رغم سلسلوا رجله وشدوا جفوفه
رفض يلبس نكاب الموت..... ضحك على الموت سنه وعينه تشوفه
عجل والله يتباهى يسجل التأريخ..... عنه وتكتب حروفه
مو حبل العلى الركبه طلع ملفوف ..... الركبه على الحبل طلعت الملفوفه
اذاً حقها العرب تحزن عليه وتنوح..... وكع خيالها والشمس مكسوفه
من زغره عجيد وعنيد وضد الاستعمار..... ابوج الوصل سابع جار معروفه
واذا البصره حزنت بمصباح يوم العيد ..... يم تكريت طلعت تلطم الكوفه
واجت نينوى محنيه ظهر وتصيح.... وين ابن الرمادي الباشطه سيوفه
سووها العلوج ودنسوا بغداد..... وعاصمه الرشيد اصبحت مجتوفه
اذاً تستاهل عليك ينوح ..... شاعر ما بطل نوحه
لان انته الوحيد الذي خليت ..... المشانق للرجال تصير مرجوحه

(الشاعر عباس جيجان
[/size]

عاشت وسلمت الايادي لنقل هذه القصيده الرائعه

بارك الله فيك

سلمت يابا محمد الورد

لا تأسفن على الزمان لطالما

رقصت على جثث الاسود كلابا

قصيده رائعه في رثاء الشهيد

جزاك الله خيرا

جزاك الله خير اخ ابو محمد والله انه يوم لا ينسى لا لانه يوم عيد وانما لان اهل الباطل تجاوزو حدودهم وبارك الله بيك